Jose Luis
Padrón

1970 (Legazpia)

Egile honen
beste liburuak

POESIA

Bihotzak planto

2001, Olerti Etxea

Hitz-erraietan

2001, Urretxuko Udala

Txori erratuen bilera

1998, Erein

Zure bila itsasoa bidaliko dut

2002, Bermingham

Ibaia euri-erasotan bezala

2000, BBK-Euskaltzaindia

DENA ERDIBANA

 

Dena erdibana.

Janaria eta edaria.

Eguzkia eta ilargia.

Bakardadea.

Arnasa eta heriotza.

 

Dena erdibana.

Arnasa eta heriotza.

Amets nagituak.

Iragandako denbora,

ordueroko poza.

Dena erdibana.

 

Larrosaren izpiritua

eta udazkeneko hostoak.

Urratsak eta urrundura.

Ereintza.

Dena erdibana.

 

Dena erdibana.

Hitza eta isiltasuna.

Orain iluntasuna,

gero argia.

Arnasa eta heriotza.

 

 

 

ELKARREKIN MINTZATUZ

 

Elkarrekin mintzatuz,

hitz bat bera ere esan gabe,

erabateko isiltasun begietan,

bihotzak hutsik bilduagatik,

elkar loturik arnasez,

desira bihotz kolpetan,

haragizko sinesmenari emanak,

baietza baietzago,

denborarik gabeko zirrararekin

urtzerarte.

 

 

 

IRAILEKO ARRATS EDERRA

 

Zure ile dirdirantea.

Orain bezala, horrela,

besoak eguzkirantz gurutzatuz,

menats ilintia atzetik gora

geldiro

losindua jasotzen duzunean,

horrela, orain bezala,

nire ezpainen bihotz parean

biharamun goizeko arnasa

gauzatzen da.

Ez moztu oraindik.

Biziki zure ilea

ízan dadila

orain bezala, horrela,

eskuari egindako kantu xaloa,

íraíleko arrats ederra.

Garapena: Dijitalidadea SL